Аудандағы білім беру ұйымдарының оқушылары Қордай аудандық мұражайда 4-8 ақпан аралығында Елбасының «Болашаққа бағдар: Рухани жаңғыру» мақаласы аясында «Көненің көзі болған – ескі заттар» атты көрмесіне қатысты. Іс-шараның басты мақсаты дәуірлер арасында байланыс жасау, келушілерді өткен уақыттың заттары мен рухани әлемімен таныстыру.
Көрмеге аудан тұрғындарының өткен күндерінен сыр шертетін көне жәдігерлер, атап айтсақ ескі патефон, фотоаппараттар, сағаттар, шот, жазу машинкасы, шаңсорғыш және т.б. бұйымдар қойылды. Оқушылар көрме барысында өткен ғасырларда ата-бабаларымыздың пайдаланған көненің көзі болып қалған көне заттармен танысты. Көрермендер ғажап жәдігерлерді тамашалап қана қоймай, олардың пайдалану әдісі мен тұрмыстағы орны туралы да мол мағлұматтар алды.